Чөлөөт бөхийн тамирчин Ц.Чинзориг холимог тулааны эхний тэмцээндээ яллаа

Б.Бадамзул

Чихэнд чимэгтэй

2024-08-20

Чөлөөт бөхийн 70 кг-ын жингийн ААШТ-ий хүрэл медальт тамирчин Цэрмаагийн Чинзориг энэ оноос холимог тулааны спортоор хичээллэж байгаа билээ. Тэрбээр өнгөрөгч ням гарагт АНУ-ын Сан Франциско хотноо “First Round Fights” холбоонд анхны тулаанаа хийлээ. Улмаар эхний үед өрсөлдөгчөө цэвэр ялсан байна. Дорноговь аймгийн Айраг сумын харьяат Ц.Чинзориг энэ оны нэгдүгээр сард чөлөөт бөхийн УАШТ-ий 70 кг-ын жинд түрүүлсэн юм. Мөн 2021 онд АНУ-ын чөлөөт бөхийн коллежийн үндэсний аварга шалгаруулах тэмцээний NJAA дивизионы 64.1 кг-ын жинд Канзас мужийн "Northwest technical college" сургуулиас оролцож түрүүлсэн удаатай. Сонирхуулахад, өнгөрөгч амралтын өдрүүдэд болсон “First Round Fights” холбооны аваргын бүсний төлөөх тулаанд чоно хочит Б.Энхтөр ялжээ.