"Walmart” үйлчилгээгээ автоматжуулна

Д.Бизьяа

Анд нөхдийн мэдээ

2023-04-05

Дэлхийн жижиглэнгийн худалдааны хамгийн том сүлжээний эзэн "Walmart” компани 2026 он гэхэд дэлгүүрийнхээ 65 хувьд автоматжуулсан үйлчилгээ нэвтрүүлэхээр төлөвлөж байгаагаа мэдэгдэв. Тус компани Флорида мужийн Тампа хотод жил бүр зохион байгуулдаг хөрөнгө оруулагчдын уулзалтын үеэр энэ зорилтоо танилцуулж, дэлгүүрүүдээ автоматжуулснаар нэвтрүүлэх чадварыг эрс нэмэгдүүлнэ гэж мэдэгджээ. Улмаар 2026 оны нэгдүгээр сар гэхэд ложистикийн сав баглаа боодлын төвийн тээвэрлэж буй ачааны 55 орчим хувийг автоматжуулсан байгууламжид боловсруулах бөгөөд ингэснээр нэгжийн өртөг дунджаар 20 орчим хувиар буурна хэмээн тайлбарласан байна. Харин ажлын байрны цомхотгол хийх эсэх тухай асуултад тодорхой хариу өгөөгүй ажээ. “Walmart” нь АНУ-д 1,7 сая, бусад улс орнуудад 60 мянган ажилтантай бөгөөд энэ оны эхний улирлын борлуулалтаа 4.5-5 хувиар өсгөхөөр төлөвлөж байгаа ажээ.