"Tesla" Хятадын компанитай хамтран АНУ-д үйлдвэр байгуулна

Д.Бизьяа

Анд нөхдийн мэдээ

2023-03-31

Америкийн цахилгаан машин үйлдвэрлэгч “Тesla” компани дэлхийд тэргүүлэгч Хятадын “CATL” компанитай хамтран Техас мужид аккумуляторын үйлдвэр байгуулахаар ажиллаж байгаа тухай “Bloomberg” мэдээлэв. Эх сурвалжийн мэдээлснээр “Тesla” саяхан энэхүү төлөвлөгөөний талаар Цагаан ордонтой хэлэлцээ хийсэн байна. Үүнтэй холбогдуулан “Теsla” үйлдвэрлэлээ өргөжүүлэх төлөвлөгөө гаргаж 22 тэрбум доллар хөрөнгө оруулалт хийхээр болсон ажээ. Төлөвлөгөөний гол цөм нь Барууны орнуудад түгээмэл хэрэглэгддэг гурвалсан никель-кобальт-манганы (NCM) батарейг бодвол өртөг хямд литий-төмрийн фосфатын (LFP) батарей үйлдвэрлэдэг CATL-тай хамтран ажиллах явдал гэж “Bloomberg” тайлбарлав.