Эдийн засгийн хамтын ажиллагаа, хөгжлийн байгууллагын хурал болно

Д.Бизьяа

Анд нөхдийн мэдээ

2023-02-06

Францын Парис хотноо энэ сарын 7-ноос 8-ны өдрүүдэд Эдийн засгийн хамтын ажиллагаа, хөгжлийн байгууллагын Байгаль орчны бодлогын хорооны дээд түвшний хурал болно. Байгаль орчны бодлогын хороо нь 1970 онд байгуулагдсан бөгөөд уур амьсгалын өөрчлөлт, биологийн төрөл байдал, хуванцар хаягдлыг багасгах зэрэг олон улсын байгаль орчны асуудлаар бодлого боловсруулж, чиглэл хэлэлцдэг зөвлөлдөх байгууллага юм. Тус хурлаар уур амьсгалын өөрчлөлтөд хариу арга хэмжээ авах санхүүгийн эх үүсвэр, хөрөнгө оруулалтын уялдаа холбоотой төлөвлөгөөг хэлэлцэнэ. Өнгөрсөн оны 11 дүгээр сард болсон Нэгдсэн Үндэстний Байгууллагын Уур амьсгалын өөрчлөлтийн 27 дугаар суурь конвенц (COP27)-д уур амьсгалын өөрчлөлтийн улмаас хөгжиж буй орнуудад учирч буй “алдагдал, хохирол”-ыг албан ёсоор хэлэлцэж, холбогдох санг бүрдүүлэх тохиролцоонд хүрсэн юм. Мөн 9, 10-ны өдрүүдэд Нүүрстөрөгчийн хийг бууруулах форумын анхны хурал болно. Тус хурлаар нүүрсхүчлийн хийн татвар, үнийн бодлого, шууд зохицуулалт зэрэг үнийн бодлогоос хүлэмжийн хийг бууруулах үр нөлөөг судалж, статистик мэдээлэл бий болгох, загвар бодлогыг түгээн дэлгэрүүлэх арга хэмжээний талаар хэлэлцэх ажээ.